Blognews.am-ը գրում է.

Երևան է ժամանել երգիչ Հարութ Բալյանը, չնայած այցը կարճաժամկետ էր, բայց լրագրողների հետ զրույցում պատմեց ամերիկյան «Dolby» կինոթատրոնում կայացած իր մենահամերգի տեսասակավառակի և տարվա սկզբին թողարկած «Love me» ձայնասկավառակը:

«Շատ կարճ ժամանակով եմ հայրենիքում, դրա համար ըստ պատշաճի  չկարողացա ձայնասկավառակների շնորհանդեսը կազմակերպել: Պետք է նշեմ, որ այն ընդհանրապես չի վաճառվում, թեև դրանք հարյուրավոր օրինակներով են թողարկվել: Առաջիկա ամիսներին մեծ մենահամերգ է լինելու Լոս Անջելեսի խաղատներից մեկում»:

Երգիչը նշեց, որ  նախատեսվում է մենահամերգ նաև Հայաստանում, որը կկայանա Կարեն Դեմիրճյանի անվան մարզահամերգային համալիրում: Իսկ Blognews.am-ի այն հարցին, թե ինչ նորություն ունի երգիչն անձնական կյանքում՝ Հարութը նախ ժպտաց, իսկ հետո պատասխանեց. «Ընտրյալ չունեմ, քանի որ շատ բծախնդիր մարդ եմ: Երբ Աստված կամենա, ամեն ինչ էլ կլինի: Իմ կողակիցը պետք է լինի լավագույնը»:

Առավել մանրամասն՝ սկզբնաղբյուր կայքում