«Հանուն գիտության զարգացման» նախաձեռնության անդամ, արդեն երեք օր հացադուլ հայտարարած Յուրի Ավագյանի մոտ կասկածվող թոքաբորբն այսօր հաստատվել է. նա տեղափոխվել է հիվանդանոց:
Յուրի Ավագյանը դադարեցրել է հացադուլը:
Այս մասին քիչ առաջ գրառում է կատարվել «Հանուն գիտության զարգացման» ֆեյսբուքյան էջում:
Հիշեցնենք, որ երեկ Ավագյանը բժշկական կենտրոնում հետազոտվել էր, սակայն նրա մոտ թոքաբորբ չէին հաստատել:
«Հանուն գիտության զարգացման» նախաձեռնության անդամներն արդեն երրորդ օրն է, ինչ ԵՊՀ լսարաններից մեկում վերսկել են մոտ մեկ ամիս առաջ դադարեցված հացադուլը: Նրանք պահանջում են պահպանել ակադեմիական տարկետման իրավունքը: Այժմ հացադուլը շարունակում է միայն Դավիթ Պետրոսյանը:
Կարդացեք նաև`Ինչո՞ւ մենք գնացինք այսպիսի քայլի...Դավիթ Պետրոսյան
