armtimes.com-ը գրում է. «Հանուն գիտության զարգացման» նախաձեռնության հացադուլ անող անդամներին քիչ առաջ այցելել է շտապ բուժօգնության անձնակազմը: Բողոքի ակցիա անող երկու երիտասարդները՝ Դավիթ Պետրոսյանը եւ Յուրի Ավագյանը, գտնվում են Երեւանի պետական համալսարանի լսարաններից մեկում:
Գործողությունները հեռարձակվում էին Ֆեյսբուքյան ուղիղ եթերում: Յուրիին հետազոտելուց հետո բժիշկը հայտարարեց, որ հավանական է՝ նրա մոտ զարգանում է թոքաբորբ՝ նաեւ հաշվի առնելով այն, որ երիտասարդը մինչեւ այդ գրիպով է հիվանդացել, իսկ այժմ առկա է սթրեսային ֆոն:
Յուրին համաձայնեց, որպեսզի շտապ օգնության ավտոմեքենան իրեն տեղափոխի բժշկական կենտրոն, որպեսզի այնտեղ կազմակերպվի կրծքավանդակի ռենտգենոգրաֆիա եւ թերապեւտի կոնսուլտացիա:
«Խոսքը թոքաբորբի մասին է, հիմա ես կգնամ, կհետազոտվեմ: Հացադուլը ոչ մի դեպքում չի դադարեցվում, եթե թոքաբորբի խնդիրներ չեղան, էլի հետ եմ գալու եւ միանամ Դավիթին»,- գնալուց առաջ հայտարարեց Յուրին:
Մանրամասները՝ սկզբնաղբյուր կայքում
Ավելի ուշ հայտնի է դարձել, որ «Հանուն գիտության զարգացման» նախաձեռնության անդամ, արդեն երկու օր հացադուլ հայտարարած Յուրի Ավագյանի մոտ կասկածվող թոքաբորբը չի հաստատվել: Բժշկական հետազոտություն անցնելուց հետո նա վերադարձել է հացադուլ անող մյուս ընկերոջ՝ Դավիթ Պետրոսյանի մոտ:
