Սեփական ավտոմեքենայով ոստիկանության ՊՊԾ գունդ «Սասնա ծռեր» խմբի անդամներին սնունդ հասցրած Արթուր Սարգսյանն այսօր ազատ արձակվեց եւ «Դատապարտյալների հիվանդանոց» ՔԿՀ-ից շտապօգնության մեքենայով տեղափոխվեց «Արմենիա Հանրապետական» բժշկական կենտրոն:
Նա գտնվում է վերակենդանացման բաժանմունքում:
Մեր զրույցում Վերակենդանացման բաժանմունքի վարիչ Սուրեն Մակարյանը նշեց, որ Արթուր Սարգսյանի առողջական վիճակի վերաբերյալ միայն հետազոտությունից հետո հնարավոր կլինի ինչ-որ բան ասել:
«Նախնական տվյալներով՝ գիտակցությունը պահպանված է, ճնշումը կայուն է՝ 120/80, պուլսը՝ 88, ջերմություն չունի: Նրա առողջական վիճակի մասին վերջնական պատասխան տալու համար որոշակի հետազոտություն է հարկավոր»,- ասաց նա՝ հավելելով, որ հստակ տեղեկություններ կհայտնեն վաղն առավոտյան:
Ոստիկանության ՊԾ գունդ «Սասնա ծռեր» խմբի անդամներին սնունդ հասցրած Արթուր Սարգսյանն այսօր «Դատապարտյալների հիվանդանոց» ՔԿՀ-ից շտապօգնության մեքենայով տեղափոխվեց «Արմենիա» բժշկական կենտրոն:
Asekose.am-ը բժշկական կենտրոնից տեղեկացավ, որ Արթուր գտնվում է վերակենդանացման բաժանմունքում: Այս պահին ջերմություն չունի, գիտակցությունը պահպանված է, ճնշումը կայուն է՝ 120/80, պուլսը՝ 88:
Ավելին նրա առողջական վիճակի վերաբերյալ միայն հետազոտությունից հետո հնարավոր կլինի ինչ-որ բան ասել, հստակ տեղեկություններ կհայտնեն վաղն առավոտյան:
Հիշեցնենք, որ Արթուր Սարգսյանին ազատ արձակելու համար 6 պատգամավոր ներկայացրել են անձնական երաշխավորագիր և մուծել 500 հազարական դրամ՝ որպես գրավ։
