Բոլորովին վերջերս սկսեցին լուրեր շրջանառվել, որ երգճուհի Գվեն Ստեֆանին ամուսնալուծվում է` տասներեք տարվա համատեղ կյանքից հետո: Դեռևս հասարակությունը չէր հասցրել մարսել այս լուրը, երբ սկսեցին տարածվել խոսակցություններ, որ ամենայն հավականությամբ այդ ամուսնալուծությունը երկարատև դատական գործընթացով կլինի:
Բանն այն է, որ ինչպես փոխանցում են արևմտյան ԶԼՄ-ները, Գվենի ամուսինը պատրաստվում է դատարանում վիճարկել վերջինիս ունեցվածքի մի մասը և արդեն իսկ մերժել է առկա ֆինանսական և նյութական մյուս հարցերը արտադատարանային ռեժիմով լուծելու Գվինի առաջարկը:
Փաստաբանները արդեն իսկ գնահատել են, որ Գվենի ունեցվածքը կազմում է ավելի քան ութսուն միլիոն դոլար, իսկ Գվենի ամուսնու` Քեվին Ռոսեյդլըլի ունեցվածքը` երեսունհինգ միլիոն դոլար:
Իրավաբանները նշում են, որ օրենքով Քեվինն ունի որոշակի իրավունքներ արդեն նախկին կնոջ ունեցվածքիւ հանդեպ, ինչի պատճառով էլ որոշել է իր մասնաբաժինն ստանալ դատական կարգով: Այս խառնաշփոթի պատճառ է հանդիսացել այն, որ զույգը ամուսնական պայմանագիր չի կնքել ու հիմա բոլոր հարցերը կարգավորվում են ընդհանուր օրենսդրական դաշտում:
Հիշեցնենք, որ զույգն ունի երեք երեխա` իննամյա Քինսթոնը, վեցամյա Զումուն և տասնյոթ ամսեկան Ապոլոնը:
