Ռեժիսոր Մհեր Մկրտչյանը ֆեյսբուքյան իր էջում գրում է
«Սերգեյ Գալիցկին (Հարությունյան) Կրասնոդարում (իր քաղաքը) ստեղծեց ակումբ, ֆուտբոլի ակադեմիա և տարիներ անց ակումբը դարձավ Ռուսաստանի չեմպիոն:
Ինքը մեծ գումարներ դրեց ֆուտբոլի ակադեմիայի մեջ: Ֆուտբոլի ակադեմիան տվեց Էդուարդ Սպերցյան:
Իրան պաշտում են Կրասնոդարում, հարգում են ամբողջ Ռուսաստանում:
Բայց համոզված եմ, եթե ապրեր ու հարստանար Հայաստանում, դրա փոխարենը մի քանի նոր շենք ու օբյեկտ կսարքեր, հնարավոր ա նաև ոսկե ունիտազ ունենար: Կդառնար այդպիսին, կսարքեին այդպիսին, կամ գլուխը կուտեին: Կամ... եթե նրա մարդ տեսակը լիներ ավելի ուժեղ` կգնար երկրից և կսիրվեր ուրիշ երկրում:
Չէ... Հայաստանը հրաշք երկիր ա: Ուղղակի մենք դեռ չենք կարողանում արժանանալ նրան:
Ուղղակի մեր արժեքներն են ուրիշ` ես, իմը, էս թոռներիս, էս, որ բոլորը տեսնեն ինչ դեմք եմ ես...
Հուսով եմ նիկոլենցից հետո իշխանության չեն գա հոգով սոված մարդիկ և կարևոր կլինի մտածել հաջորդող սերունդների արժեքների մասին: Կրթությունը լինի ոչ թե նորաձև, այլ ուղղակի լինի:
Գուցե մի օր ճոխությունը աղքատ երկրում դառնա ամոթ: Մարդկանց արժեքները ձևավորվում են միայն օրինակների վրա»:
