Հայաստանի ֆուտբոլի հավաքականի ֆան ակումներից ՖԱՖ-ը հանդես է եկել հայտարարությամբ` նշելով, որ Հայաստանի Հանրապետական կուսակցությունն առանց իրենց իմացության խորհրդարանական քարոզչական հոլովակում տեղադրել են իրենց մասնակցությամբ կադրեր: Ավելին` ակումբը պահանջում է հեռացնել տվյալ կադրերը: Հայտարարության մեջ մասնավորապես նշվում է.
«Հայաստանի Հանրապետական կուսակցության քարոզարշավի հոլովակներից մեկում` առանց ՖԱՖ-ի իմացության և համաձայնության, տեղադրված է կարճ հատված ՖԱՖ-ի սեկցիայից` ՖԱՖ-ականների մասնակցությամբ: Արդեն առաջին նմանատիպ դեպքը չէ, որ վերոնշյալ կուսակցությունը ՖԱՖ-ի մասնակցությամբ կադրեր է տեղադրում քարոզչական հոլովակների մեջ: Դատապարտում և պահանջում ենք՝ մեր մասնակցությամբ կադրերի հատվածը հանվի և այլևս չօգտագործվի նմանատիպ հոլովակներում:
Բազմիցս հայտարարել ենք՝ ՖԱՖ-ը ապաքաղաքական կառույց է և չի հարում որևէ քաղաքական ուժի: Հաճախելով մարզադաշտ շարժման անդամների մասնակցությամբ կադրեր չպետք է հայտնվեն ինչ-որ ուժերի քարոզչական հոլովակներում:
Հարգանքներով` ՖԱՖ ղեկավար մարմին»:
