«Արմենիա» հեռուստաընկերությամբ հեռարձակվող «Ֆուլ հաուս» շոուն երեկ առաջին անգամ բեմում էր. Հակոբ Պարոնյանի անվան կոմեդիայի թատրոնում տեղի ունեցավ հեռուստաշոուի առաջին ներկայացումը:

Շոուի դերասանները խումբ-խումբ առօրյա կյանքին վերաբերող ու քաղաքական դրվագներով համեմված հումորային առանձին դրվագներ էին ներկայացնում, որոնցում շոշափվում էին նաև քաղաքական տարբեր գործիչների անուններ:

Շոուի ավարտին պրոդյուսեր Արմեն Պետրոսյանը` Մենչը հայտարարեց, որ համերգից ստացվող ողջ հասույթը կհատկացվի ապրիլյան պատերազմի ժամանակ զոհվածների ընտանիքներին:

«Համերգից առաջ մեզ շատ էին հարցնում, թե ինչու են որոշել անել հենց այս ժամանակահատվածում: Մենք չէինք պատասխանում այդ հարցին, բայց այսօր կարող եմ ասել, որ մեր երեք համերգներից ստացված ողջ հասույթը կտրամադրենք սահմանին զոհվածների հարազատներին, ընտանիքներին», -հայտարարեց Պետրոսյանը:

Սա երևանյան հանդիսատեսի հետ առաջին հանդիպումն էր մարտին կայացած եվրոպական շրջագայությունից հետո: Ներկայացումը կշարունակվի նաև այսօր՝ մայիսի 17-ին և վաղը՝ մայիսի 18-ին:

Աղբյուրը` Life.panorama.am