Աստղիկ Սաֆարյանը միշտ էլ գրավել է իր հմայքով ու ձայնով, չնայած վաղուց ՀՀ-ում չի ապրում:

Մենք որոշեցինք այս անգամ բլից զրույց անցկացնել մեր օրերի ամենացանկալի հարսնացուներից մեկի հետ:

Բ.-Իսպանացի մաչոնե՞ր, թե՞ հայ տղաներ:

Ա.-Հայ մաչոներ:

Բ.-Ձեզ ընդգրկել էինք ամենացանկալի հարսնացուների նոր սերնդում, նորություն չունե՞ք:

Ա.-Առայժմ՝ միայն գործնական բնույթի:

Բ.-Դեռ երգո՞ւմ եք «Օ, քամի՜, քամի՜» երգը:

Ա.- «Այցեքարտային» երգերը միշտ էլ պարտավոր ես երգել, քանի որ դրանք միշտ սպասված են:

Բ.-Հաճա՞խ եք «duckface» սելֆիներ անում:

Ա.-Համբույր ուղարկող սելֆիներ երբեմն այո, բայց ոչ՝ «duckface»: Դրանք տարբեր են:

Բ.-Կարճ կիսաշրջազգե՞ստ, թե՞ կծու հավի թևիկներ:

Ա.-Հավի թևիկներ երբեք էլ չեմ սիրել, այնպես որ, այս երկուսից՝առաջինը:

Բ.-Ի՞նչ կանեիք, եթե Ֆարել Ուիլյամսը չհամաձայներ լուսանկարվել Ձեզ հետ:

Ա.-Նորմալ կլիներ և օրինաչափ:Միևնույնն է, չէի դադարի հիանալ նրա երաժշտությամբ:

Բ.-Ֆարելի հետ լուսանկարն արդարացրե՞ց իրեն լայքերի առումով:

Ա.-Դա ամենևին էլ լայքեր ապահովելու համար չէր արված, բայց, անշուշտ, մեծ ուշադրության արժանացավ:

Բ.-Ֆարելի հեռախոսահամարը վերցրե՞լ եք արդեն:

Ա.-Նման ճարպկություններ չեմ կիրառում, երբ հարցը վերաբերում է անկեղծ հանդիպումներին:Իսկ դա ամենաանկեղծ և տպավրիչ հանդիպումն էր :

Բ.-Ուրախանո՞ւմ եք, երբ հեռուստացույցով Ձեզ եք տեսնում:

Ա.-Ուրախանում եմ, երբ տեսնում եմ, որ աշխատանքիս արդյունքը դառնում է վիզուալ և հասնում է ունկնդրիս:

Բ.-Կցանկանայի՞ք լինել Մերլին Մոնրոն:

Ա.-Կդժվարանայի:

Բ.-Իսկ ինձ կնվիրե՞ք Ձեր «սև ակնոցը»:

Ա.- «Սև ակնոց» ասվածը փոխաբերական իմաստ ունի համանուն երգում, օգտագործված է փոխարինելու վստահություն+սեր հասկացությունը:Հետևաբար՝ «սև ակնոց» ես նվիրում եմ միայն ամենավստահելի մեկին:

Աղբյուրը` bibar.am