azatutyun.am-ը գրում է, որ Եվրոպական դատարանն ընդդեմ Հայաստանի հերթական վճիռն է կայացրել՝ հաստատելով, որ խախտվել է քաղաքացու ազատության և անձնական անձեռնմխելիության իրավունքը։
Ստրասբուրգի դատարանը Հայաստանի կառավարությանը պարտավորեցրել է 3,000 եվրո վճարել Արմեն Բադալյանին՝ որպես խախտված իրավունքների փոխհատուցում։ Դատարանը հաստատել է, որ Հայաստանի կառավարությունը քաղաքացուն անհիմն է պահել կալանքի տակ՝ այդպես էլ հստակորեն չպարզաբանելով, թե ինչու վերջինս պետք է անազատության մեջ մնա և մինչև դատարանի որոշումը ինչու նա չէր կարող գտնվել ազատության մեջ։
Իշխանության ներկայացուցչի նկատմամբ բռնության սպառնալիք հնչեցնելու համար Արմեն Բադալյանը 6 տարի առաջ հայաստանյան դատարանների կողմից դատապարտվել էր մեկուկես տարվա ազատազրկման։ Մինչ դատավճիռը նա մեկ տարի կալանքի տակ է պահվել: 41-ամյա Արմեն Բադալյանը Ստրասբուրգի դատարանի որոշմանը սպասել է 5 տարի։ Ուրախ է, որ տարիներ անց հասավ արդարադատության, բայց ցավում է, որ հաղթեց ոչ թե հայրենի դատարաններում, այլ՝ հազարավոր կիլոմետրեր հեռու՝ Եվրոպական դատարանում։
Շարունակությունը՝ սկզբնաղբյուր կայքում
