Asekose.am-ին հայտնի է դարձել, որ հայտնի ուկրաինացի երգչուհի Անաստասիա Պրիխոդկոն կներկայանա Եվրատեսիլ երգի մրցույթի համար Ուկրաինայի նախընտրական փուլին
մեր հայրենակցուհի, Ուկրաինայում լայն ճանաչում ձեռք բերած կոմպոզիտոր Շուշան Սարգսյանի նոր երգով, որը նա պատվիրել է Շուշանին հատուկ Եվրատեսիլի համար: Երգի անվանումն է` Free now, այն ձայնագրվել է երկու տարբերակով՝ ուկրաիներենով և անգլերենով:
Խոսքերի հեղինակն է հայտնի ուկրաինացի գրող Նիկոլայ Բրովչենկոն, գործիքավորումը կատարել է հայտնի գործիքավորող`Դավիթ Դավթյանը: Երգի մեջ ձայնակցել են Նելլի Պողոսյանը, Լաուրա Տիգրանյանը և Էրիկը: Ձայնագրման աշխատանքների մի մասը կատարվել են Կիևում, մյուս մասը՝ Երևանում, որոշ աշխատանքներ էլ Եվրոպայում:
Եվս մեկ կարևոր տեղեկություն. երգի մեջ հնչում է հայկական բլուլ, որը նվագել է Հայաստանի լավգույն բլուլահարներից մեկը`Ավագ Մարգարյանը: Նախընտրական փուլը կանցկացվի փակ լսումների տեսքով: Այն տեղի կունենա հունվարի 18 -ին Կիևում: Ի դեպ, այն կանցկացնի Կոնստանտին Մելաձեն, որը այս տարի հանդիսանում է նախագծի պրոդյուսերը:
Հիշեցնենք, որ Անաստասիա Պրիխոդկոն 2009 թ. Եվրոտեսիլ երգի մրցույթում ներկայացրեց Ռուսաստանը հենց իր՝ Կոնստանտին Մելաձեի
«Մամո'
» երգով, իսկ այս տարի երգչուհին մտադիր է ներկայացնել Ուկրաինան Շուշանի երգով:
Նշենք որ Շուշանի երգերը այսօր Ուկրաինայում շատ հայտնի են և մեծ պահանջարկ ունեն: Նա համագործակցում է մի շարք ուկրաինական աստղերի (Վիկտոր Պավլիկի, Անաստասիյա Պրիխոդկոյի, Մաշա Գոյայի, Վիտալի Կոզլովսկիի, Մաշա Սոբկոի, Էրիկայի, Սվետլանա Տառաբառովայի, Օլգա Ցիբուլսկայայի և այլն) և հայտնի պրոդյուսերների (Յուրի Ֆոլյոսայի, Անդրեյ Պասիչնիկի, Օլգա Ռեվուկի և ալն) հետ՝ բարձր պահելով հայի և Հայաստանի հեղինակությունը:
Հայ հանդիսատեսին Շուշանը հայտնի է իր «Հայաստան երկիր» (Անի Քրիստիի կատարմամբ), «Հեյ- Նայ» (Լայանայի կատարմամբ), «Վերածնվի՛ր, Ճապոնիա»(Հայ աստղերի կատարմամբ) երգերով:
Շուշան Սարգսյանին Ուկրաինայում լայն ճանաչում բերեց
իր «Ոսկե դարպասներ» երգը՝ Ուկրաինայի աստղերի կատարմամբ, որը ճանաչվել է Ուկրաինայի երկրորդ ոչ պաշտոնական հիմնը:Տեղին է նշել նաև, որ դեռ նոյեմբեր ամսին հատուկ Հայաստանի համար կազմակերպված Եվրատեսիլ երգի մրցույթի հայաստանյան երգի պատվիրակ Իվետա Մուկուչյանի համար ևս Շուշանը 3 գեղեցիկ երգեր է ներկայացրել:
Ի դեպ ուկրաինական կայքերը
արդեն անդրադարձել են այս իրողությանը:
