Life.panorama.am-ը զրուցել է դիջեյ Սերժոյի հետ:

Սերժո, եթե հետեւենք Ձեր գործունեությանը, ապա կնկատենք, որ դուք Ձեր կատարած աշխատանքների մասին միշտ չէ, որ լուսաբանում եք, փոխարենը ներկայացնում եք արդեն պատրաստի գործեր: Հետաքրքիր է՝ այս շրջանում ինչո՞վ եք զբաղված:

Քանի որ մայիսի վերջին դուրս եկավ իմ նոր ձայանասկավառակը, այս պահին պատրաստվում եմ այդ ձայնասկավառակումս տեղ գտած երգերից գոնե երկուսի հիման վրա տեսահոլովակներ նկարահանել, որոնք կփորձեմ հասցնել թողարկել մինչ այս տարվա վերջ:

Իսկ նոր համագործակցությունների մասով ի՞նչ է սպասվում առաջիկայում:

Այս պահին ունեմ մի շարք համագործակցություններ, որոնց մեծ մասը կապված են արտասահմանի հետ: Հիմա ակտիվորեն զբաղվում են իմ նոր՝ «Սիմոնյան» կոչվող նախագծով:

Ի՞նչ նպատակ ունի «Սիմոնյան» նախագիծը:

Այս նախագծով նոր անունով հանդես եմ գալու Եվրոպայում, մասնավորապես Գերմանիայում: Սա իրենից ներկայացնելու է ոչ կոմերցիոն երաժշտության ստեղծում տարբեր դիջեյների հետ: Պետք է նշեմ, որ «Սիմոնյան» անունը վերաբերվելու է միայն ակումբային, էլեկտրոնային երաժշտությանը. նման կերպով ցանկանում եմ դրսում ավելի կենտրոնացնել երաժշտությանս ուղղությունը, քանի որ եթե այս պահին համացանցում փնտրեն իմ անունը, ահռելի քանակությամբ նյութեր կգտնեն, իսկ «Սիմոնյան» անունով կգտնեն միայն այդ ուղղության գործերս:

Արդեն արտերկրի արտիստների հետ աշխատելու փորձեր կա՞ն:

Հիմա աշխատում եմ մի լեհ երգչի հետ, ում անունը իր խնդրանքով հիմա հրապարակելու իրավունքը չունեմ: Նրա հետ մի երգ ենք պատրաստում, որը նա պետք է իր երկրում ներկայացնի «Եվրատեսիլ» երգի միջազգային մրցույթին մասնակցելու համար:

Սերժո, բավականին ակտիվ աշխատում եք արտերկի արտիստների համար, իսկ մեր արտիստների հետ համագործակցություններ չկա՞ն:

Նոր համագործակցություներ չկան, փոխարենը վերջերս թողարկված ձայնասակավառակումս կան մի շարք համատեղ աշխատանքներ մեր արտիստների հետ, որոնց հիման վրա պատրաստվում եմ տեսահոլովակ նկարահանել: Բացի այդ, նոր երգ ենք պլանավորում ջազ երգչուհի Զառա Մարկոսյանի հետ, որը դեռևս ընթացքի մեջ է: Նրա հետ աշխատանքի արդյունքը կլինի նոր տեսահոլովակը, որը, հավանաբար, կներկայացնենք աշնան սկզբին:

Հետաքրքիր է ձեր գնահատականը մեր երկրում զարգացող ակումբային երաժշտության վերաբերյալ:

Ես չեմ ժխտում, որ պահանջարկը կա, չեմ ժխտում, որ մեր արտիստները ուզում են նորովի հանդես գալ, իհարկե, այդ երաժշտությունը չի հասնի այն մակարդակին, ինչ մակարդակին այսօր գտնվում է ռեստորանային երաժշտությունը, բայց առաջխաղացում կա, որովհետև թե մեր երիտասարդությունը, թե մեր արտիստները ձգտում են եվրոպական մակարդակի երաժշտության:

Դուք շարունակում եք մնալ ցանկալի փեսացուների շարքում, այս հարցում կա՞ն փոփոխություններ. կտխրեցնե՞ք ձեր երկրպագուներին, թե կուրախացնե՞ք որևէ մեկին:

Եթե շարունակում եմ մնալ ամենացանկալի փեսացուների շարքում, ուրեմն դեռ թող մնամ, դա ինձ էլ է դուր գալիս:

Ամբողջական հոդվածը` սկզբնաղբյուր կայքում