Զոհված Վարսիկ Սևոյանը վերադառնում էր Օմսկ Կրասնոդարից `որդուն` Արամին մոտ 1 ամիս հյուրընկալվելուց հետո: Նա որդու հետ մեկնել էր նաև Սանկտ Պետերբուրգ՝ տեսակցելու 22-ամյա դստերը, որից հետո մայր ու որդի տարբեր ուղղություններով գնացող ինքնաթիռներ են նստել: Այս մասին հայտնում է МК-ն: Արամը պատմել է, որ մոր մահվան մասին նորություններից է իմացել:
«Մենք գրեթե միաժամանակ ենք թռել: Սկզբում նա՝ Օրսկ, իսկ մինչև Կրասնոդար իմ օդանավը մի փոքր ավելի ուշ էր թռչելու: Ես տեղ հասա, իսկ նա՝ ոչ: Հայրիկս պետք է նրան Օրսկում դիմավորեր: Սակայն ողբերգության մասին մենք նրանից չիմացանք, այլ նորություններից»,- պատմել է Արամը:
Նշենք, որ Վարսիկ Սևոյանը 47 տարեկան էր:
Հիշեցնենք, որ Մոսկվա-Օրսկ թռիչքն իրականացնող Ան-148 ինքնաթիռը վթարի էր ենթարկվել կիրակի օրը Մերձմոսկվային Ռամենսկի շրջանում: «Ռոսավիացիա»-ի տվյալներով՝ անձնակազմի հետ կապը ընդհատվել էր «Դոմոդեդովո» օդանավակայանից թռիչք կատարելուց մի քանի րոպե անց: Օդանավում գտնվող բոլոր 65 ուղեւորները եւ անձնակազմի 6 անդամները զոհվել են: Ուղևորների թվում հայ կին է եղել՝ Վարսիկ Սևոյանը: Օդանավի երկրորդ օդաչուն՝ հայազգի Սերգեյ Ղամբարյանը, Մոսկվայի բնակիչ էր, 12 տարվա թռիչքային ստաժ ուներ:
