Life.panorama.am-ի այսօրվա զրուցակիցն է դերասան, հումորիստ Անդրանիկ Հարությունյանը, ով տեղեկացրել է, որ այս պահին զբաղված է գործնական առաջարկների քննարկումներով.
«Այս պահին մի փոքր պասիվ շրջան է, քանի որ թատրոններում նոր նախագծեր դեռ չկան, իսկ հեռուստատեսային գործունեության հետ կապված մի առաջարկ կա, որը դեռ քննարկման փուլում է, եթե այն ընդունեմ, մարդիկ ինձ կտեսնեն նոր ժանրում, քանի որ առաջարկը սերիալային է»,- նշել է դերասանը և հատուկ շեշտել, որ անգամ լուրջ սերիալում չի ցանկանա որպես հումորային դերասան շեղվել իր գործից.
«Ես չեմ ցանկանում շեղվել հումորից, ուստի լուրջ սերիալում իմ դերը կրկին մի փոքր հումորային ոճում եմ տեսնում, թե որքանով կստացվի և արդյոք կիրականանա այդ ծրագիրը, ապագան ցույց կտա, դեռ սպասողական վիճակում եմ»:
Հարցին, թե հումորային դերասանը իրեն լուրջ դերերում չի պատկերացնում արդյոք, Անդրանիկը պատասխանել է.
«Իհարկե, պատկերացնում եմ, բայց դա պատկերացնում եմ գեղարվեստական ֆիլմում, իսկ սերիալում չեմ ցանկանա որևէ լուրջ կերպար կերտել»:
Անդրադառնալով երիտասարդ դերասանուհի Լիկա Սալամանյանի հետ համատեղ աշխատանքին, որի մասին արտիստները դեռ գարնանն էին ակնարկել, Անդրանիկ Հարությունյանը նշել է.
«Խոսքը իմ և Արմեն Վարդանյանի կողմից պատրաստվող կոմերցիոն ներկայացման մասին է, որը կսկսենք կյանքի կոչել, հավանաբար, սեպտեմբերի վերջին: Սա լինելու է շոու-ներկայացում, որտեղ ես և Լիկան զբաղված կլինենք հաղորդավարների դերում»:
Անդրանիկ Հարությունյանը, ցանկանալով գաղտնի պահել որոշ անակնկալներ, ակնարկել է նաև, որ առաջիկայում սպասվում են նաև հեռուստատեսային նախագծեր, որոնց մասին, ըստ իրեն, դեռ շատ շուտ է խոսելը.
«Կան հետաքրքիր մտահղացումներ, որոնք դեռ ուղղակի մտքեր են, ուստի շատ շուտ է դրա մասին խոսելը, հատկապես, որ չգիտեմ, թե որքանով դրանք իրականություն կդառնան»,- նշեց նա:
Առավել մանրամասն` սկզբնաղբյուր կայքում
