Life.panorama.am-ի այսօրվա զրուցակիցն է մոդել Անահիտ Հարությունյանը, ով հանրության շրջանում առավել հայտնի դարձավ իր համարձակ լուսանկարներով:

Life.panorama.am-ը գրում է, որ այսօրվա զրուցակիցն է մոդել Անահիտ Հարությունյանը, ով հանրության շրջանում առավել հայտնի դարձավ իր համարձակ լուսանկարներով:

-Անահիտ, եթե հետևենք Ձեր գործունեությանը, ապա կնկատենք, որ դուք որպես մոդել ձգտում եք համաշխարհային չափանիշներին, ըստ Ձեզ` մեր երկրում դա որքանո՞վ է հնարավոր:

- Կատարելով որևէ աշխատանք՝ աշխատում եմ անել որակով կամ ընդհանրապես չանել: Ես առաջնորդվում եմ ինձ համար ձևավորված ստանդարտներին համաձայն: Շատ խստապահանջ եմ ինքս իմ հանդեպ և փորձում եմ կատարածս աշխատանքով լումա ներդնել մեր երկրում նորաձևության զարգացման մեջ:

 -Գիտեմ, որ պլաններ ունեիք արտերկրում աշխատելու, ի՞նչ փուլում են գտնվում այդ աշխատանքները, գուցե մի փոքր պատմեիք, թե ո՞ւմ հետ եք պատրաստվում համագործակցել:

- Ես ավելի կենտրոնացված կզբաղվեմ այդ հարցով միայն սեպտեմբեր ամսից, քանի որ այս պահի դրությամբ ունեմ գործող պայմանագիր Հայաստանում: Իսկ թե ո՞ւմ հետ կշարունակեմ աշխատել, տարբերակները մի քանիսն են, որոնց մասին կլուսաբանեմ միայն գործունեությունը սկսելուց հետո: 

-Բացի արտերկրում ծավալվող գործունեությունից, այստեղ ի՞նչ պլաններ ունեք մոդելային բիզնեսի հետ կապված:

 -Անկախ ամեն ինչից հետագայում, ինչպես այժմ ես կպահեմ իմ կապը հայաստանյան նորաձևության ոլորտի հետ:

-Մոդելինգը, ինչպես և մի շարք մասնագիտություններ «ժամկետ» ունեն, այսինքն գալիս է մի տարիք, երբ մոդելը այլևս չի կարող զբաղվել իր գործով, հետաքրքիր է՝ դուք ունե՞ք երկրորդ մասնագիտություն:

- Բացի մոդելային կրթությունից, ավարտել եմ ԵՊՀ Փիլիսոփայության ֆակուլտետը, այժմ հաճախում եմ ֆրանսերենի խմբակ: Մոդելային տարիքիս սպառվելուց հետո հավանաբար կմնամ նույն ոլորտում որպես եկող սերնդի կրթող:

-Համարձակ լուսանկարներ ունենալուց առաջ երբևէ մտածել եք արձագանքների մասին:

- Ես մոդել եմ և ընդամենը կատարում եմ իմ աշխատանքը:

- Անահիտ, գիտեմ, որ սիրելի ունեք, մի փոքր կպատմե՞ք նրա մասին, և առհասարակ ինչպիսին պետք է լինի նա, ով Ձեր կողքին կլինի:

-Իմ կողքի տղամարդը պետք է լինի ուժեղ անհատականություն, պետք է լինի կրթված, հաստատված, մի խոսքով բարձր ինքնարժեքի տեր մարդ, ով չի սահմանափակում իմ ազատությունը, դրական է վերաբերվում իմ մասնագիտական գործունեությանը, օգնում, աջակցում է ամեն հարցում: Ահա համառոտ բնութագիր իմ սիրելիի մասին: Այդ հատկանիշներով էլ օժտված է իմ սիրելին:

-Որքանով տեղյակ եմ, Ձեր սիրելին Հայաստանում չի ապրում, սա նշանակում է, որ ամուսնության դեպքում դուք կհեռանաք Հայաստանից՝ մշտական բնակություն հաստատելով դրսում:

 -Եթե նույնիսկ ես ամուսնանամ արտերկրում, ապա միաժամանակ կապրեմ երկու երկրում: Ես ինքս հայրենասեր եմ և չեմ կարողանում Հայաստանից երկար ժամանակով բացակայել:

-Մի անգամ նշել եք, որ նա դեմ է Ձեր մասնագիտությանը: Հիմա էլ է շարունակում նույն կարծիքին լինել:

- Արդեն հաշտվել է այդ մտքի հետ:

Նյութը՝սկզբնաղբյուր կայքում