Ես ինֆորմացիա ունեմ, որ իրենք գնում են ավելի այլանդակ մի քայլի,-Արմենիա Sputnik–ի մամուլի կենտրոնում ասաց քաղաքական վերլուծաբան Սուրեն Սուրենյանցը` անդրադառնալով Փաշինյանի նախաձեռնած հակաեկեղեցական արշավին
«Փորձելու են իմիտացնել ազգային եկեղեցական ժողովի հրավիրում, կգտնեն ինչ-որ կոնտինգենտ, որի վրա կհենվեն, ինչ-որ այլընտրանքային կաթողիկոս կընտրեն, այդպես կվարկաբեկեն եկեղեցին (ինչպես Ուկրաինայում եղավ), հետո աշխարհաքաղաքական կուրսի փոփոխության հետ կկապեն, եպիսկոպոսաց դասին ռուսական ագենտուրա կհռչակեն։ Ես հիմա ինֆորմացիա ունեմ, որ իրենք բանակցում են եպիսկոպոսներից մեկի հետ, որ նման ընթացք ապահովեն։ Իմ ունեցած տեղեկություններով՝ այդ եպիսկոպոսը հիմա ՀՀ սահմաններից դուրս է, բայց խոսքը Թուրքիայի մասին չէ»։
