«Դավիթ Համբարձումյան ես, ինչ ես, ես գալիս եմ քո հետևից, գալիս եմ Հայաստան, դու պիտի պատասխան տաս: Քեզ ազատ են արձակել, որովհետև դեռ գործում են սերժական օրենքները: Մենք ամեն ինչ անելու ենք, որ զանգվածային ջարդերի բոլոր մասնակիցները պատասխան տան օրինական ճանապարհով»,- ֆեյսբուքյան իր էջում ուղիղ եթերով հայտարարել է Սանկտ Պետերբուրգում ապրող Գևորգ Սուջյանը:
Հիշեցնենք, որ Մասիսի քաղաքապետ Դավիթ Համբարձումյանին մեղադրանք էր առաջադրվել Էրեբունի վարչական շրջանում ապրիլի 22-ին զանգվածային անկարգություններ կատարելու գործով: 
Նրա կողմնակիցները բողոքի ցույցեր էին անցկացնում ՝ պահանջելով քաղաքապետին ազատ արձակել:
Ավելի ուշ, երբ Դավիթ Համբարձումյանի փաստաբան Տիգրան Աթանեսյանը տեղեկացրեց, որ Երևանի ընդհանուր իրավասության դատարանը Էրեբունի վարչական շրջանում ապրիլի 22-ին զանգվածային անկարգություններ կատարելու և կազմակերպելու մեջ մեղադրվող Մասիսի քաղաքապետը ազատ է արձակել, կրքերը տեղափոխվեցին համացան:
Մարդիկ իրենց տարակուսանքը հայտնելով, խափանման միջոցը փոխելու վերաբերյալ դատարանի որոշման առիթով, շարունակում են պահանջել պատժել Էրեբունիում զանգվածային անկարգությունների բոլոր մեղավորներին ու դրանց հետ առնչություն ունեցողներին:
