«Երկիր ծիրանի»-ի ծրագիրը կազմվել է՝ ելնելով մեր խնդիրներից և իրատեսական է այնքանով, որ կազմողները հենց ժողովրդի միջից են, քաջատեղյակ են քաղաքապետարանի բյուջեին, մեր քաղաքի հնարավորություններին: Ցանկանում ենք քաղաքը դարձնել հարմարավետ, որպեսզի մարդիկ կարողանան ապրել ու ավելանալ: Մենք գալիս ենք ազատելու մայրաքաղաքը՝ անարդարություններից, կոռուպցիայից և աղբից»,-լրագրողների հետ հանդիպման ժամանակ ասաց ավագանու թեկնածու Սոնա Աղեկյանը:
Մյուս թեկնածուն էլ իր խոսքով՝ բազմաշերտ խնդիրները լուծելու համար կարևորեց կոռուպցիոն համակարգի վերացումը:
«Կոռուպցիոն համակարգը ՀՀԿ-ն է ստեղծել, բազմացրել և տիրում է ամբողջ քաղաքում»,-ասաց նա:
-Ինչպե՞ս եք վերացնելու.
«Ով որ վերցրել է, չի աշխատելու մեզ հետ»,-եղավ պատասխանը:
Պարզվեց՝ նաև տրամվայն են ցանկանում վերականգնել.
«Այն իրատեսական է ու մեխանիզմը մեր ծրագրում կա: Ռելսերն էլ կվերականգնենք»,-նշեց Սոնա Աղեկյանը:
Նման հնարավորություն ունի՞ քաղաքի բյուջեն հարցին էլ Սոնա Աղեկյանն այսպես պատասխանեց.
«Ներդրումներ կլինեն, քաղաքի բյուջեն էլ լայն հնարավորություններ ունի: Թվերին ծանոթ եմ, բայց լավ չեմ հիշում»:
