Այս անգամ գեղեցկության իր գաղտնիքների մասին Wnews.am-ին պատմել է «Միսս Հայաստան 2003» եւ «Վիցե միսս Եվրոպա 2005» Լուսինե Թովմասյանը։
-Որքա՞ն ժամանակ եք հատկացնում ամենօրյա դիմահարդարմանը։
-Ամենօրյա դիմահարդարումս տեւում է ընդամենը 5 րոպե։
–Դիմահարդարման ո՞ր պարագաներն եք միշտ օգտագործում։
-Ամենակարեւորը՝ շրթներկն ու սնգույրն է։ Առօրյա դիմահարդարման մեջ օգտագործում եմ անփայլ, բեժ երանգները։
–Ինչպե՞ս եք խնամում մաշկը։ Կա՞ մի բաղադրատոմս, որով կցանկանայիք կիսվել։
-Մաշկի ամենօրյա խնամքը շատ կարեւոր է։ Այն առավոտյան եւ երեկոյան մաքրում եմ օճառով, լոսյոնով, կաթիկով։ Անգամ շպարի բացակայության դեպքում մաշկը պետք է մաքրվի եւ խոնավեցվի։
Ինչ վերաբերում է բնական բաղադրատոմսին, ապա ոչ, որպես այդպիսին չունեմ։ Մաշկիս դիմակներ հազվադեպ եմ դնում՝ մեկ կամ երկու ամիսը մեկ անգամ։
-Որքա՞ն հաճախ եք այցելում գեղեցկության սրահներ, սպա կենտրոններ։
-Առօրյայում հազվադեպ եմ այցելում գեղեցկության սրահներ, քանի որ ունեմ բնատուր ուղիղ վարսեր։ Նկարահանման, խնջույքների նախապատրաստվելիս, փորձում եմ հաճախել։
Սպա կենտրոններում հազվադեպ եմ լինում։
-Վարսերի խնամքն ինչպե՞ս եք իրականացնում։
-Վարսերս վստահում եմ վարսահարդարներին. եղանակային փոփոխություններով պայմանավորված՝ դրանք իսկապես դիմակների կարիք ունեն, ուստի վարսահարդարս ինքն է ընտրում համապատասխան դիմակ։
–Մարզասրահ այցելո՞ւմ եք։
-Այո, շաբաթը երկու անգամ։
–Սննդակարգին հետեւու՞մ եք։
-Ոչ, երբեւե չեմ հետեւել։ Գիրանալու խնդիր երբեւէ չեմ ունեցել։
-Երեխայի ծննունդից հետո Ձեր կազմվածքում փոփոխություններ զգացի՞ք։ Քաշի ավելացում եղա՞վ, ինչպե՞ս վերականգնեցիք կառուցվածքը։
-Առաջին մեկ-երկու ամիսը։ Դրանից հետո շատ արագ կրկին առանց դիետաների, ինքնըստինքյան վերադարձա նույն քաշիս։
-Ի՞նչը կփոխեիք Ձեր արտաքինում։
-Ոչինչ։ Երբեւիցե չի եղել մի բան, որը կցանկանայի փոխել արտաքինումս, բայց պլաստիկ վիրահատություններին նորմալ եմ վերաբերվում, եթե իսկապես անհրաժեշտությունը կա։ Օրինակ՝ քթի, ականջների ֆորման եթե խանգարում է մարդուն եւ նա վստահ է, որ վիրահատությունից հետո ինքնավստահություն ձեռք կբերի, ապա միայն կողմ եմ դրան:
Առավել մանրամասն` սկզբնաղբյուր կայքում
