Protestant.am-ը գրում է, որ զրուցել է դերասան Էմիլ Գալստյանի հետ:
Էմիլ, կխնդրեի պատմեիք, թե երբ և ինչպես եք ապաշխարել:
Աստծուն ճանաչել եմ դեռ փոքրուց, երբ մայրս ինձ իր հետ տանում էր եկեղեցի: Մանուկ ժամանակ ունեի հիվանդություն՝ ոտքիս տակ ուռուցքային գոյացության տեսքով: Մայրս հավատքով ընդունել էր խոսքը՝ աղոթեք հիվանդների համար և նրանք կբժշկվեն, աղոթել էր բժշկությանս համար, որից հետո հրաշքը կատարվել էր, ու ոտքս միանգամայն առողջ էր: Երբ ես սեփական աչքերով տեսա Աստծո հրաշքը իմ կյանքում, մեջս մեծ հավատք ծնվեց Աստծո նկատմամբ, որը ես մինչ օրս ունեմ իմ սրտում:
Ո՞ր եկեղեցին եք հաճախում:
Հաճախում եմ Ռեմա ավետարանական եկեղեցի:
Ներգրավվա՞ծ եք արդյոք որևէ ծառայության մեջ:
Որևիցե ծառայության մեջ ներգրավված չեմ, քանի որ ժամանակս այնքան էլ չի ներում:
Ինչպե՞ս եք վերաբերվում երբեք չդադարող քննադատություններին:
Քննադատություններ սիրում եմ, արդեն սկսել են հետաքրքրել մարդկանց աշխարհայացքն ու տգիտության չափը:
Ո՞րն է աստվածաշնչյան Ձեր ամենասիրելի Խոսքը կամ հատվածը:
Բոլորն էլ շատ կարևոր են, բայց այժմ ուզում եմ նշել հետևյալ խոսքը. «Եկեք ինձ մոտ, բոլոր հոգնածներ և բեռնավորվածներ, և Ես ձեզ հանգստություն կտամ» (Մաթ. 11:28):
Առավել մանրամասն` սկզբնաղբյուր կայքում
Հավելենք, որ Էմիլ Գալստյանը հյուրընկալվել է Asekose.am-ի Փոփ Արտ հաղորդմանը, որի շրջանակներում նաև խոսել է կրոնական կազմակերպությանը հարելու, հայ առաքելական եկեղեցու հետևորդ չլինելու մասին և ոչ միայն: Տվյալ թողարկումը Asekose.am-ում և Արմնյուզ հեռուստաընկերություն եթերում կլինի շուտով:
