Life.panorama.am-ը գրում է.
Դերասանուհի Արփինե Իսրայելյանն, ով սպասում է իր առաջնեկին, Life.panorama.am-ի հետ զրույցում խոսել է ռեժիսոր Վահե Յանի «Արմատներ» ֆիլմի մասին, որն ընդամենը օրեր առաջ բարձրացավ մեծ էկրաններ:
««Արմատներ» ֆիլմը նվիրված է Հայոց ցեղասպանության 101-րդ տարելիցին: Այն փաստավավերագրական և խաղարկային ժանրերի խառնուրդ է, որի նմանը հայկական կինոարտադրության մեջ այս բովանդակությամբ ֆիլմերում կարծես թե չկա: Այստեղ կա եւ հումոր, եւ տխրություն, եւ պատմական փաստեր եւ շատ մեծ հայրենասիրություն, որոնք տեսնում ենք հերոսների խաղում: Ես մեծ հույս ունեմ, որ այս ֆիլմը կարժանանա հանդիսատեսի համակրանքին, հատկապես ֆիլմի ոճը հուսամ ճիշտ կընդունվի, որի հիմքում ընկած է այն, որ երկար տառապանքներից հետո հայը միեւնույն է շարունակում է ապրել ու արարել, որ հայկական ընտանիքներում շարունակում են անկեղծ ու բարձր ծիծաղել»,- նշեց Արփինեն:
Ֆիլմում դերասանուհին առաջին անգամ հանդես է եկել մինչ այս իր կերտած կերպարներից խիստ տարբերվող դերով.
«Այս ֆիլմում ես Նարեն եմ, ով ջութակահարուհի է: Նարեն կյանքով լի աղջիկ է, շատ ակտիվ, միշտ ուրախ ու խենթությունների պատրաստ: Նարեն ապրում է այն ընտանիքում, որտեղ հյուր են գալիս գլխավոր հերոսներ Արամն եւ Անետը, ովքեր ապրելով արտերկրում, որոշում են գալ սեփական հայրենիք: Ֆիլմում հայկական, ավանդական ընտանիքներին հատուկ իրավիճակներ են՝ համեմված հումորով եւ խոհափիլիսոփայական մտքերով, իսկ բուն մեխը հենց արմատներն են, ըստ որի նոր սերունդն էլ անկախ իր բնակության վայրից վերադառնում է իր արմատներին, քանի որ հայրենասիրությունը մեր արյան մեջ է ու ժառանգաբար է փոխանցվում: Հենց սա է պատճառը, որ շատերի նախնիները, ովքեր 1915-ին մի կերպ կարողացել են փախչել եւ սփռվել աշխարհով մեկ, այսօր նրանց սերունդները վերադառնում են իրենց պապերի երկիրը- պատմեց Արփինեն ու հավելեց.
«Պետք է հատուկ նշեմ, որ Նարեի կերպարն ինձ շատ դուր եկավ, նրա նման աղջկա կերտելու հնարավորություն դեռեւս չէի ունեցել ու հանդիսատեսի համար հաստատ նորություն է լինելու ինձ այդ կողմով բացահատելը: Ինձ հաճելի էր կերտել մի կերպար, որն իմ միջոցով բացահայտված չէր հեռուստադիտողի կողմից, ինչից ես շատ եմ սրտնեղում, քանի որ ինքս ինձ բազմաժանր դերասանուհի եմ համարում»:
Առավել մանրամասն՝ սկզբնաղբյուր կայքում
