ԵԱՀԿ Խորհրդարանական վեհաժողովի նախագահ Քրիստին Մուտոնենը և Հարավային Կովկասում հատուկ ներկայացուցիչ Քրիստիան Վիգենինն ափսոսանք են հայտնել, որ անհնար է եղել երկարաձգել Երևանում ԵԱՀԿ գրասենյակի մանդատը: Այն կփակվի մոտակա ամիսների ընթացքում, նշված է կազմակերպության տարածած մամուլի հաղորդագրությունում:
Մուտոնենի հայտարարությունում նշված է, որ չնայած գործադրված ջանքերին, Մշտական խորհուրդը չի կարողացել կոնսենսուսի հասնել Երևանում ԵԱՀԿ գրասենյակի կարևոր աշխատանքը շարունակելու հարցում: Վիգենինն էլ ասել է, որ ԵԱՀԿ-ն շարունակելու ակտիվ ներգրավված լինել տարածաշրջանում:
