Իրավական ակտերի նախագծերի հրապարակման միասնական կայքում հայտարարվել էր քվեարկություն՝ Հայաստանի Հանրապետության հանրակրթական ուսումնական հաստատություններում ռուսաց լեզվի դասավանդման վերաբերյալ: Հատկանշականանն այն է, որ այն բանից հետո, որ 75%-25% ձայների հարաբերակցությամբ դեմ ձայները գերակշռող էին, քվեարկությունը կասեցվել է:
Հիշեցնենք, որ հանրության շրջանում մեծ իրարանցում է ռուսերենին հատուկ կարգավիճակ տալու իշխանությունների նախաձեռնությունը՝ չնայած վերջիններս հայտարարում են, թե օրակարգում նման հարց չկա և այս առիթով աղմուկն արհեստական է: Նշենք, որ Կրթության և գիտության նախարարության և կառավարության կողմից քննարկվել է ռուսաց լեզվի հայեցակարգը, որը հնարավորություն է տալիս բարձր դասարաններում ճշգրիտ առարկաների դասերն անցկացնել ռուսերեն լեզվով: Հայեցակարգի նպատակը ռուսաց լեզվի ուսումնասիրության եւ դասավանդման բարձր որակի ապահովումն է, ինչպես նաեւ ռուսաց լեզվի հանրայնացումը։
