«Իրազեկ քաղաքացիների միավորում» ՀԿ-ի հրապարակած 114 դպրոցների եւ մանկապարտեզների տնօրենների հայտնի ձայնագրության հրապարակումից հետո, ըստ ՀԿ-ի ղեկավար Դանիել Իոաննիսյանի, հարձակում է եղել sut.am կայքի վրա:
«Մի քանի տնօրեն հետ են զանգել եւ բողոքել, հաքերային հարձակում է եղել sut.am կայքի վրա: Նախկինում ՀՀ կայքերի վրա բոլոր հարձակումները ադրբեջանական հասցեներից էր, իսկ հիմա՝ հայկական IP-ներից էր»,-լրագրողներին այսօր տեղեկացրել է Դանիել Իոաննիսյանը:
