mypage.am-ը գրում է.
-Երբ պատրաստվում էիք Վերջին զանգի միջոցառմանը, հեշտությա՞մբ եք համաձայնել ելույթ ունենալ բեմից, ո՞ւմ էին ուղղված ձեր խոսքերը և ինչո՞ւ հենց նրան։
Իրականում ամբողջ դասարանով էինք ներկայացում պատրաստել ու, ինչքան հիշում եմ, բոլորս էլ շնորհակալական խոսք ասել ենք: Թե կոնկրետ որ ուսուցչին է ուղղված եղել իմ խոսքը, ընդունենք որ չեմ հիշում հիմա, բայց ասեմ, որ այսօր իրենց բոլորին էլ շնորհակալ եմ՝ յուրաքանչյուրը յուրովի թողել է իր հետքը մեր ապագա զարգացման հարցում:
-Վերջին զանգի միջոցառմանը լինում են ավարտական պարեր։ Ձեզ մոտ ինչպե՞ս է այն ստացվել և կա՞ որևէ տեսանյութ, որ կտրամադրեիք մեզ։
Տեսանյութ ես ինքս չունեմ, իսկ պարել միշտ սիրել եմ ու լավ պարել եմ:
-Ի՞նչ սկզբունքով եք ընտրել ձեր զույգին՝ Վերջին զանգի միջոցառման համար։
Պարել եմ բոլոր մեր աղջիկների հետ: Չեմ հիշում, որ այդ ժամանակ մենք նման բաժանում անեինք:
-Որևէ հետաքրքիր և զավեշտալի դեպք կպատմե՞ք դպրոցական կյանքից, որ մինչ օրս մեծ ուրախությամբ հիշում եք։
Դասերից փախնելը երևի ամենաշատն են հիշվում։
-Ունեցե՞լ եք Վերջին զանգին նվիրված օրագիր, որտեղ եղել են գրառումներ ձեր շրջապատի մարդկանցից։
Այն ժամանակ մենք մաղթանքները գրում էինք սպիտակ շապիկների վրա: Հուսամ, որ հայրական տանը դեռ այդ շապիկը կգտնեմ:
-Վերջին զանգի օրը դպրոցական միջոցառումից հետո ինչպե՞ս եք շարունակել տոնական օրը։
Գնացել ենք քեֆի, իսկ հետո մինչ լուսաբաց քաղաքով քայլել:
-Ունեցե՞լ եք դպրոցական սեր և ինչպե՞ս է այն ավարտվել։
Դպրոցը ավարտել եմ 1989-ին: Դպրոցն ավարտելուց սիրահարված չեմ եղել: Ամուսնացել եմ 1995-ին և իմ կինը իմ դասարանից չէր:
Նյութը՝ սկզբնաղբյուր կայքում
