Life.panorama.am-ը հարցազրույց ունի դերասանուհի Իրինա Դանիելյանի հետ: Զրույցից մի հատված ներկայացնում ենք ստորև.
Իրինա, նոր տարիքում նոր ցանկություններ կամ մտքեր առաջացե՞լ են: Ինչ եք ցանկանում, որ 52-ում եւ առհասարակ առաջիկայում կատարվի:
- Գիտեք, ինձ մոտ մշտապես շատ հարթ է իրականանում մի տարիքից մյուսին անցնելը, որ ցանկությունների վրա էլ չեմ կենտրոնանում: Ինձ մոտ մշտական ցանկություններ են՝ լինել ու մտերիմներիս էլ տեսնել առողջ ու երջանիկ, որպեսզի նրանց մասին միայն լավ լուրեր լսեմ: Նաեւ ցանկություններիս շարքում կարեւոր տեղ ունի մեր երկիրը խաղաղ տեսնելը: Իսկապես, ողջ աշխարհի խաղաղությունից է կախված նաեւ մեր երջանկությունը:
Բացի համամարդկային ցանկություններից, ինքներդ Ձեզ համար ի՞նչ եք ցանկանում:
- Ողջ կյանքում ես զգացել եմ երջանիկ լինելու զգացողությունը, ու կցանկանամ, որ դա երբեք չնվազի: Արդեն 52 տարի չի պակասել, հուսամ՝ այդպես էլ կշարունակվի: Ի դեպ՝ երջանիկ լինելու համար հատուկ գործողություններ չեմ անում, դա ինքնաբերաբար է ստացվում: Գոյություն ունի մարդու տեսակ հասկացությունը. ես իմ տեսակով ավելի պոզիտիվ ու օպտիմիստ մարդ եմ:
Կինը հաճախ ցավագին է տանում մեծանալը: Հետաքրքիր է՝ այս առումով կանանց, ո՞ր շարքին եք դասվում:
- Նոր կնճիռներն ինձ չեն հուզում, դրանք շատ հեշտ լուծելի են: Դուխս տեղն է, շրջապատս էլ բացարձակ չի թողնում, որ ինձ մեծ զգամ: Իմ տարիքից առայժմ գոհ եմ ու նման խնդիր չունեմ: Ենթադրում եմ, որ իմ կյանքում էլ կգա մի պահ, որ տարիքի մասին կմտածեմ, բայց կարծում եմ, երբ գալիս է այդ մասով նեղվելու ժամանակը, կյանքն այնպիսի երջանիկ պահեր է քեզ պարգեւում, որ ժամանակ էլ չես ունենում մեծանալու մասին մտածելու:
Առավել մանրամասն` սկզբնաղբյուր կայքում
