58-ամյա Եղիշե Խաչատրյանի սպանության գործով հետախուզման մեջ գտնվող 26-ամյա Արարատ Նիկողոսյանն ու 23-ամյա Արտաշես Չիչոյանը, որոնք հունիսի 12-ի գիշերը, ժամը 4-ին, ներկայացել էին ոստիկանություն, արդեն կալանավորվել են:

Այս առնչությամբ, ոստիկանության նարածած հաղորդագրության մեջ ասվում է.

«Ոստիկանության Էրեբունու բաժնի կողմից ՀՀ քրեական օրենսգրքի 104 հոդվածի 2-րդ մասի 7-րդ եւ 10-րդ կետերի մեղադրանքով հունիսի 8-ից հետախուզվում էին Երեւանի Էրեբունի թաղամասի բնակիչներ՝ 1990 թ. ծնված Արարատ Նիկողոսյանը եւ 1993 թ. ծնված Արտաշես Չիչոյանը: Ոստիկանության ծառայողների ձեռնարկած օպերատիվ-հետախուզական լայնածավալ միջոցառումների եւ անցկացված բացատրական աշխատանքների արդյունքում` Արարատ Նիկողոսյանը եւ Արտաշես Չիչոյանը հունիսի 12-ին, ժամը 4- ի սահմաններում, ներկայացել են ոստիկանության Էրեբունու բաժին:

Արարատ Նիկողոսյանը եւ Արտաշես Չիչոյանը կալանավորված են:

Հիշեցնենք, որ հունիսի 4-ին, ժամը 23:45-ին, Նուբարաշենի խճուղու թիվ 1/5 հասցեի մոտ տեղի է ունեցել վիճաբանություն «Ֆորդ Տրանզիտ» մակնիշի ավտոմեքենայի վարորդ, 1958 թ. ծնված Եղիշե Խաչատրյանի ու անհայտ ավտոմեքենայի վարորդի և ուղևորների, որի ընթացքում ստացած մարմնական վնասվածքներից Եղիշե Խաչատրյանը մահացել էր: Հավելենք, որ Եղիշե Խաչատրյանը հայտնի լեզվաբան, ԵՊՀ դասախոս Փառանձեմ Մեյթիխանյանի ամուսնինն է: