Միջազգային ցուցահանդեսին մասնակցելու նպատակով Սիրիայի մայրաքաղաք Դամասկոսում գտնվող հայաստանյան պատվիրակությունը չի տուժել երեկվա հրաձգությունից:
Այս մասին թվիթերյան իր էջում գրել է ՀՀ արտգործնախարարության մամուլի խոսնակ Տիգրան Բալայանը:
«Դամասկոսի ցուցահանդեսի տարածքի հրթիռակոծության արդյունքում ՀՀ դիվանագետներն անվնաս են:Նախնական տվյալներով` տուժածների թվում հայեր չկան»:
Հիշեցնենք, որ նշված ցուցահանդեսի վրա հարձակման հետևանքով մահացել էր 4 մարդ, 4-ն էլ վիրավորվել էր: Ցուցահանդեսին ներկա են եղել 43 երկրի ներկայացուցիչներ, այդ թվում՝ Ռուսաստանի, Չինաստանի, Գերմանիայի, Ֆրանսիայի և Մեծ Բրիտանիայի հետ մեկտեղ Դամասկոսի: Միջազգային ցուցահանդեսին մասնակցում էր նաև Հայաստանը, որի տաղավարը ներկայացնում էր Սիրիայում ՀՀ դեսպանությունը` ՀՀ առևտրաարդյունաբերական պալատի և Սիրիա-հայկական գործարար խորհրդի հետ համագործակցությամբ։
