«Մեր խոսակցությունն այս ամբիոնից ՀՀ քաղաքացիների հետ է: Բոլոր նրանք, ովքեր կասկածում են ՀՀ քաղաքացիների լայնախոհության վրա, նրանք մոլորյալներ են»,- ԱԺ նիստի ժամանակ հայտարարեց իշխանական թևի պատգամավոր Վաղարշակ Հակոբյանը: Նրա խոսքով՝ ԱԺ-ում այսօր ընդդիմադիրների արած հայտարարությունները «անուղղակիորեն բախումների կոչեր են»:
«ՀՀ-ում բախումներ չեն լինելու, իշխանությունն ունի այնքան կամք, որպեսզի սադրանքներին չտրվի»,- հայտարարեց նա: Դիմելով ընդդիմադիր գործընկերներին՝ Հակոբյանն ասաց. «Այն ինչ դուք ուզում եք, ուղղակի իշխանությունն է և պաշտոնը: Եվ եթե խոսենք վայելքների և կոստյումների մասին, ես կարծում եմ՝ գոնե դուք դրա մասին չպետք է խոսեք: Ոչ մեկ չի խուսափելու պատասխանատվությունից, և ոչ մեկ չի տրվելու սադրանքների»:
