ԼՂՀ ՊԲ տեղեկատվության եւ հասարակայնության հետ կապերի բաժնի պետ, գնդապետ Սենոր Հասրաթյանը ֆեյսբուքյան իր էջում գրառում է կատարել.
«Երբեւէ չեմ եղել գրաքննության կողմնակից, բայց նաեւ չեմ ընդունել լսածով շարադրված եւ որեւէ կերպ չհիմնավորված տեղեկությունների տարածման սովորությունը, մանավանդ, եթե խոսքը վերաբերել ու վերաբերում է պետական եւ անվտանգային թեմաններին:
Անչափ կարեւորում եմ Բաքվի սուլթանապետական քարոզչության ծուղակից խուսափող եւ նրա հնարած «հեքիաթներով» սեփական մամուլի էջերը օպերատիվորեն լցոնելու գայթակղությունից չօգտվող պրոֆեսիոնալ լրագրողի աշխատանքը:
Կարծում եմ, որ այսպես գործելու դեպքում մենք կարող ենք ոչ միայն փոշիացնել սուլթանապետական քարոզչության ցնդաբանությունները, այլեւ, հարկ եղած դեպքում, նրան թելադրել մեր ճշմարտությունը»:
