Life.panorama.am-ը գրում է.
Այսօրվա զրուցակիցն է ֆուլհաուսցի Ֆելոն՝ նույն ինքը Գոռ Հակոբյանը:
-Գոռ, արդեն նշանակված են «Ֆուլ հաուս»-ի երեւանյան համերգի օրերը, մի փոքր կպատմե՞ք նախապատրաստական աշխատանքներից, ի՞նչ է սպասվելու այդ օրը հանդիսատեսին:
- Այս պահին իմ կոլեգաներ Գրիգոր Դանիելյանը, Գարիկ Սեփխանյանը և սցենարական խմբի մյուս անդամները համարյա ավարտում են նոր սցենարը, որը պետք է ներկայացնենք հայ հանդիսատեսի դատին: Լինելու է լրիվ նոր ներկայացում: Սցենարից բացի արդեն պատրաստվում ենք սկսել մեր փորձերը, զուգահեռ շարունակում ենք նկարել նոր սերիաներ:
-Մեկ ամիս ու մի փոքր ավելի եւ կավարտվի նաեւ «Ֆուլ հաուս»-ի չորրորդ եթերաշրջանտը, հետաքրքիր է՝ բացի հյուրախաղերից այս պահին ի՞նչ ծրագրեր ունի «Ֆուլ հաուս»-ը: Շատերին թվում է, թե սա վերջին եթերաշրջանն է լինելու, բայց Ձեզնից ոչ մի նման հայտարարություն չկա, ու քանի որ այս սիթքոմի նկատմամբ հետաքրքրությունը չի մարում, հեռուստադիտողին հետաքրքիր է սիթքոմի առաջիկա զարգացումները:
- Իհարկե թե՛ մենք, թե՛ մեր հանդիսատեսը, գիտենք որ «Ֆուլ հաուսը» քանի գնում ավելի բարձրացնում է իր ռեյտինգային սանդղակը: Դա մեր գիշեր-ցերեկ աշխատելու արդյունք է և մենք շատ ուրախ ենք, որ այդ աշխատանքը գնահատվում է: Աշնանը պլանավորում ենք համերգներով հանդես գալ Եվրոպայում, Ռուսաստանում և ԱՄՆ-ում: Արդյոք կլինի 5-րդ սեզոն թե ոչ, քննարկվում է և եթե հաստատվի, ապա այդ ժամանակ նախագծի պրոդյուսեր՝ Արմեն Պետրոսյանը կխոսի այդ մասին:
-Իհարկե, հասկանալի է, որ փակագծեր չեք բացի, բայց թեթեւակի կակնարկե՞ք, թե ի՞նչ ուղղությամբ կշարժվի եւ ի՞նչ անակնկալներով կավարտվի այս եթերաշրջանը:
- Այս հարցին կարող եմ երկու բառով պատասխանել՝ միայն Աստված գիտի, թե ինչպես կվերջանա 4-րդ եթերաշրջանը: Իհարկե, չենք մոռանում, որ «Ֆուլ հաուսը» միշտ լի է անակնկալներով:
-Գոռ, դուք սահմանեցիք սանդղակ, որին շուրջ չորս եթերաշրջան հավատարիմ եք մնում, Ձեզ՝ դերասաններիդ, մինչ այդ էլ հեռուստադիտողը սիրում էր, բայց նախագծից հետո կարծես թե Ձեր աստեղային ժամն է հայտարարվել: Որպես սիթքոմի դերասան՝ ի՞նչ եք կարծում հատկապես ի՞նչը Ձեզ հաջողություն բերեց եւ ինչպե՞ս եք փորձում պահպանել Ձեր իսկ սահմանած սանդղակը, որպեսզի հետաքրքրությունը չկորի:
- Բոլորս էլ քաջ գիտակցում ենք, որ դժվար է միշտ մնալ նույն սանդղակի վրա: «Ֆուլ հաուսը» մեզ բոլորիս տվեց ճանաչման մի նոր չափաբաժին և մենք աշխատում ենք, որ դա պահպանենք, իհարկե, գիտակցելով, որ սիթքոմի ավարտից հետո այդ ռեյտինգը կարող է անկում ապրել: «Ֆուլ հաուս»-ում յուրաքանչյուրը սիրված է և ունի իր երկրպագունների հսկայական բանակը և շատերի կարծիքով ամեն մեկս մեր կերպարում հրաշալի ենք: Այդպես չէ՞:
-Գոռ, վերջերս Ձեզ տեսանք նաեւ «Արամմա» ֆիլմում, ուր գլխավոր հերոսին էիք մարմնավորում: Հետաքրքիր է՝ սիթքոմից զատ ի՞նչ այլ ծրագրեր ունեք:
- Այս պահին սարսափելի զբաղվածության պատճառով ցավոք այլ գործով զբաղվել չեմ հասցնում, բայց ապագայում մի քանի բան կա պլանավորած, որոնց մասին հավելյալ կտեղեկացնեմ Ձեզ և ինձ հետևողներին:
-Վերջերս հաճախ եք ընտանեկան լուսանկարներ ու տեսանյութեր հրապարակում. մի անգամ հարցազրույցներից մեկում նշել էիք, որ Ձեր աշխատանքային ծանրաբեռնվածության մեջ ընտանիքը մի փոքր տուժում է: Արդեն հասցնո՞ւմ եք նրանց ավելի շատ ժամանակ տրամադրել, թե՞ շարունակում եք իրար հետ ապրելով կարոտել միմյանց:
Նյութն ամբողջությամբ՝ սկզբնաղբյուր կայքում
