«Դատական իշխանությունն առանձին իշխանության ճյուղ է, մեր վերաբերմունքը պետք է լինի համարժեք: Այն գործընթացները, որոնք տեղի են ունենում դատական իշխանության ներքո, պետք է տեսնել իրավական հարթությունում:
Մենք պետք է կարողանանք նախադրյալներ ստեղծել, որպեսզի իշխանության բոլոր ճյուղերը, մեկը մյուսին փոխզսպելով, իրենց գործունեությունը լիարժեք, տրամաբանված և արադարացի իրականացնեն»,- այս մասին այսօր լրագրողների հետ ճեպազրույցում հայտարարեց ԱԺ փոխխոսնակ Վահե Էնֆիաջյանը՝ անդրադառնալով Ռոբերտ Քոչարյանի՝ երկրորդ անգամ կալանավորման մասին:
ԲՀԿ-ական Իվետա Տոնոյանն իր հերթին ասաց, որ ԲՀԿ-ն իր գնահատականը կտա, երբ իրավական լուծում լինի:
Անդրադառնալով Ռոբերտ Քոչարյանի այն հայտարարությանը, որ «Ոչ օրենք կա, ոչ օրինականություն», Վահե Էնֆիաջյանը նշեց. «Մեկնաբանությունների մասով հասցեական է պետք հարցը տալ: Լրագրողները կարող էին մանրամասներ ակնկալել, թե ի՞նչ տրամաբանությամբ ու ինչի՞ համար է նման որակումներով նա հանդես գալիս... Չեմ պատրաստվում մեկնաբանություններով հանդես գալ»:
