Հայաստանի եւ Ադրբեջանի ԱԳ նախարարները Ժնեւում կայացած հանդիպման ժամանակ պայմանավորվել են չթիրախավորել խաղաղ բնակչությանն ու ոչ ռազմական օբյեկտները Լեռնային Ղարաբաղի հակամարտության գոտում, ասվում է ԵԱՀԿ Մինսկի խմբի համանախագահների (Ռուսաստան, Ֆրանսիա, ԱՄՆ) հայտարարության մեջ:
Նշվում է, որ հոկտեմբերի 30-ին Ժնեւում տեղի ունեցած հանդիպման արդյունքում կողմերը պայմանավորվել են անհապաղ ձեռնարկել մի շարք միջոցներ անկախ հրադադարի եւ այլ հանգամանքների:
«Կողմերը միտումնավոր կերպով չեն թիրախավորի խաղաղ բնակչությանը կամ ոչ ռազմական օբյեկտները՝ միջազգային հումանիտար իրավունքի համաձայն»,-ասվում է ԵԱՀԿ մամուլի ծառայության տարածած հայտարարության մեջ:
Բաքուն եւ Երեւանը նաեւ պետք է ներկայացնեն իրենց մեկնաբանություններն ու հարցերը՝ կապված հրադադարը ստուգելու հնարավոր մեխանիզմների հետ՝ հոկտեմբերի 10-ին Մոսկվայում արված հայտարարության համաձայն:
