Օգոստոսի վեցին անհայտ անձը մոտեցել է Արտաշատի փողոցներից մեկում գտնվող բանկոմատին, բայց ոչ գումար կանխիկացնելու նպատակով: Նախնական տվյալներով՝ պլաստմասսե առարկայով փակել է բանկոմատի այն հատվածը, որտեղից դուրս է գալիս փողը և հեռացել:
Բանկոմատին է մոտեցել ուրիշ մեկը՝ գումար կանխիկացնելու: Քաղաքացին չի նկատել, որ բանկոմատի այն մասը, որտեղից փողն է դուրս գալիս՝ փակ է: Նրան թվացել է, որ բանկոմատը գործարքը կատարել է, բայց փողը չի տվել: Նրա հեռանալուց անմիջապես հետո բանկոմատին է մոտեցել նախորդը, հանել պլաստմասսան, սակայն բանկոմատը գումարն արդեն ետ քաշած է եղել:
