Արդեն մոտ 2 ամիս է slaq.am իտերնետային կայքի եթերում ամեն շաբաթ եթեր է հեռարձակվում հաղորդավար Վարդան Բարսեղյանի հեղինակային «Բանավիճիր ինձ հետ» հաղորդումը:
Հաղորդման ժամանակ հաղորդավարը հյուրընկալում է միևնույն ասպարեզի երկու տարբեր սերունդների ու ինչպես հաղորդավարն է միշտ նշում հաղորդման առաջաբանում` տեղի է ունենում 2 սերունդերի բախում:
Հաղորդման շրջանակներում շոշափվում են երկու սերնդին էլ հետաքրքրող թեմաներ, որոնք ընթացքում վերածվում են բանավեճի, իսկ հաղորդման վերջում հյուրերը փորձում են գալ ընդհանուր հայտարարի:
Մեզ հետ ունեցած զրույցի ժամանակ Վարդանը նշեց,որ հաղորդումն արդեն հասցրել է սիրվել և ձեռք բերել մեծ լսարան,ինչը փաստում է ,որ այսօր մեր հայրենակիցները ունեն նմանատիպ հաղորդումների կարիք,որտեղ կտեսնեն նաև իրենց սիրելի ավագ սերնդի ներկայացուցիչներին:
Ի դեպ Վարդանը նաև երգում է և մեզ տեղեկացրեց,որ շատ շուտով հանդիսատեսի դատին կհանձնի նոր երգ և տեսահոլովակ:
Երգը կոչվում է «Իմն ես լինելու»:
Երգի հեղինակն է Հայկ Գևորգյանը, գործիքավորումը՝ Արման Սարգսյանի,իսկ ձայնագրությունը կատարել է Էմմանուել Հակոբյանը:
Տեսահոլավակի ռեժիսորի անունը նախընտրեց գաղտնի պահել` խոստանալով,որ սպասվում է գեղեցիկ անակնկալ:
