Պաշտպանության նախարար Վիգեն Սարգսյանի՝ Եկեղեցու Խաչի քավոր լինելու և շապիկ հագնելու մասին համացանցային «քննադատություններին» ու քննարկումներին պատասխան ակնարկ-գրառումով անդրադարձել է ՊՆ մամուլի խոսնակ Արծրուն Հովհաննիսյանը:
«Այսպես, ամեն ինչ քանդելով, սևացնելով, ծաղրելով ու՞ր եք հասնելու։ Արժեքներ ու ամրություններ կան, որոնց վրա ինքներդ եք նստած, թեկուզ և չեք գիտակցում դա»,-գրել է Արծրուն Հովհաննիսյանն ու ավելացրել. «Իսկ հակառակ կողմում տեսե՞լ եք քանի հարյուր հազարներ ու միլիոններ են... Մի անգամ շփվե՞լ եք կռված տղերքի հետ այս հարցում: Տեսե՞լ եք մարդիկ ինչ կապ են զգում, ինչպե՞ս են հավատում, ի՞նչ են սարքում դիրքերում, կամովին, ոչ մեկ չի ստիպում։ Տեսե՞լ եք դիրքերում ինչ են կարդում տարբեր գրքերի ու թերթերի մեջ...»:
