Օգոստոսի 19-ին, ժամը 14:17-ին ՀՀ արտակարգ իրավիճակների նախարարությունում ահազանգ է ստացվել, որ Լոռու մարզի Ալավերդի գյուղում տեղի է ունեցել ՃՏՊ, կան տուժածներ. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Պարզվել է, որ Ստեփանավան-Ալավերդի ավտոճանապարհի 22-րդ կմ-ին բախվել են «Opel Vectra» մակնիշի 35 GZ 597 և «Volkswagen golf» մակնիշի 34 CP 138 պետհամարանիշերով ավտոմեքենաները: Կա 2 զոհ և 7 տուժած:
Փրկարարները տուժածներին ցուցաբերել են առաջին բուժօգնություն և 2 տուժածի տեղափոխել Ալավերդու ԲԿ:
