Ինչպես  ամեն  տարի  այս տարի ևս   oրրանցիների համար ամանորյա միջոցառումների մեկնարկը տրվեց Օրրանի լավ բարեկամ Մարիոթ Արմենիա հյուրանոցի կողմից:

Օրրանցիները մեծ ուրախությամբ մասնակցեցին արդեն ավանդույթ դարձած քաղցրաբլիթներով տոնածառը զարդարելու միջոցառմանը, որին նրանք սպասում էին ողջ տարին:

Մարիոթ Արմենիա հյուրանոցի աշխատակիցների ջերմ ընդունելությունը ավելի ոգևորեց  երեխաներին միջոցառումը դարձնելով առավել տոնական և ուրախ:

Մարիոթ Արմենիայի  աշխատակիցները հոգացել էին, որ երեխաները հավատան ամանորյա հրաշքին՝ հանդիպեն Ձմեռ պապիկին ՝ երգեն, պարեն և ուրախ խաղեր խաղան նրա հետ, գուշակեն նրա առաջադրած հանելուկները:

Տոնական երեկոն լրացրեց Մարիոթի հմուտ խոհարարաների պատրաստած համեղ հյուրասիրությունը և քաղցրահամ տոնական տորթը:

Միջոցառման ամենասպասված և ակնկալներով լեցուն պահը  ամանորյա նվերներն էին, որոնց մասին նույնպես հոգացել էին Մարիոթի աշխատակիցները:

72157689124878221