«20 տարուց ավելի է՝ ստեղ աշխատում եմ, տեսնում եմ մարդկանց չարչարանքը, տանջանքը, իրենց առողջությունը ներ են դնում ստեղ, հասնում թոշակի տարիքի ու գնում, բայց իրենց հետևից ոչ մի բան չունեն թողած»,- ԶՊՄԿ մուտքի մոտ ընթացող բողոքի ակցիայի ժամանակ ասաց աշխատակիցներից մեկը՝ անդրադառնալով կոմբինատի հայտարարությանը: «Ժողովուրդն ուզում ա ասի՝ համբալ չենք, մարդավարի աշխատավարձ տվեք, որ բարեկեցիկ կյանքով ապրենք: Էդ որ ասում են՝ 20 տոկոս բարձրացում, բայց տեղ կա 5 տոկոս ա, տեղ կա աշխատավարձը նույնիսկ իջել ա մի քանի տոկոս: Մարդկանց աշխատավարձը 20, 30 հազարով բարձրացնելը ոչ մի հարց չի լուծում: Մինչև 20 տոկոս որ ասում են՝ մի տարվա խնդիր ա, մյուս տարի դա լինելու ա զրո, որովհետև ամեն ինչ թանկանում ա, կյանքն էլ ա թանկանում»,- նշեց աշխատակիցներից մեկը՝ հավելելով, որ 2018-ին իր աշխատավարձը բարձրացել է մոտ 60 տոկոսով, գոհ է եղել. «Մինչև հիմա հանգիստ աշխատել ենք, բայց այդ աշխատավարձն այսօր չի բավականացնում առօրյա ծախսերին»: