Հայտնի հեռուստաաստղ Քիմ Քարդաշյանը հուլիսի 14-ին Ֆրանսիայի Նիս քաղաքում տեղի ունեցած ահաբեկչության առիթով իր միկրոբլոգում գրառում է կատարել:
«Վերջապես հասա տուն և տեսա լուրերը։ Սիրտս Նիսում բոլորի հետ է։ Աղոթում ենք ձեզ համար։ Աստվա՛ծ, աշխարհը քո կարիքն ունի»,- գրել է Քիմը՝ ավելացնելով կոտրված սրտի, երկրագնդի և Ֆրանսիայի դրոշի շարժապատկերներ։
Հիշեցնենք, որ հուլիսի 14-ին Նիսում մարդկանց բազմության մեջ է մխրճվել մի բեռնատար, որից հետո վարորդը սկսել է կրակել մարդկանց վրա: Նա սպանվել է ոստիկանների կողմից: Այս պահին զոհերի թիվն արդեն հասել է 84-ի, վիրավոր է ավելի քան 120 մարդ, 18-ը գտնվում են ծայրահեղ ծանր վիճակում:
