Մեր հասարակությունը սովոր է տեսնել ցոփ ու շվայտ կյանքով ապրող, ոչնչի չձգտող, թանկարժեք մեքենաներ քշող, սակայն երբևիցե ազնիվ ճանապարհով կոպեկ չվաստակած, գրագիտությունից հեռու, կրիմինալ կենսագրությամբ պաշտոնյաների զավակների կերպարներ։ Եվ ահա պարզվում է, որ «Ինգո Արմենիա» ապահովագրական ընկերության գործադիր տնօրեն, Առողջապահության նորանշանակ նախարար Լևոն Ալթունյանի միակ որդին՝ Նորայր Ալթունյանը, այս տարի ավարտել է Մեծ Բրիտանիայի UCL համալսարան-քոլեջը, տնտեսագետի որակավորմամբ։ Այդ ամենին զուգահեռ՝ նա նաև տաղանդավոր երաժիշտ է․ Նորայրը հանդես է եկել Մեծ Բրիտանիայի Ռոյալ Ալբերտ Հոլլ (Royal Albert Hall) թագավորական համերգասրահում՝ որպես մենակատար: Այս խոստումնալից երիտասարդը, թերևս բացառիկ կերպար է մեր երկրի հարուստ պաշտոնյաների որդիների շարքում։ Նորայր Ալթունյանի հրաշալի կատարումը կարող եք վայելել՝ դիտելով տեսագրությունը․
Աղբյուրը՝ hayacq.com
