Դերասան Արմեն Ջիգարխանյանին այսօր դուրս կգրեն հիվանդանոցից: Այս մասին Ռիա Նովոստիին հայտնել են Սկլիֆոսովսկու անվան շտապ օգնության հիվանդանոցի տեղեկատու ծառայությունից:
«Այսօր նրան դուրս ենք գրելու, նրա վիճակը բավարար է»,- հայտնել են հիվանդանոցում:
Հիշեցնենք, որ Արմեն Ջիգարխանյանն շաբաթ օրը վերակենդանացման բաժանմունքում էր հայտնվել սրտի կաթվածի կասկածանքով, սակայն այս ախտորոշումը չէր հաստատվել:
Նշենք, որ մարտի 7-ին հիվանդանոցից հայտնել էին, որ Ջիգարխանյանը տեղափոխվել է ընդհանուր հիվանդասենյակ:
