Գարիկ Մարտիրոսյանի կինը` ազգությամբ հրեա Ժաննա Լևինան, ով այս օրերին Սոչիում է, իր Instagram-ում Հայաստանի դրոշով լուսանկար է հրապարակել՝ գրելով, որ հաջողություն է մաղթում «Նոր ալիք»-ի բոլոր մասնակիցներին.
«Բոլոր մասնակիցներն էլ շատ վառ են և տաղանդավոր: Իմ սիրտը Էռնա Միրի և Սյուզաննա Մելքոնյանի հետ է»:
Ի պատասխան նրա գրառման՝ Գարիկ Մարտիրոսյանը մեկնաբանությունների հատվածում ավելացրել է Հայաստանի տեսքով սմայլիկներ և գրել. «Առաջ, Հայաստան»:
Հիշեցնենք, որ Հայաստանը ներկայացնող երգչուհիներ Էռնա Միրզոյանը և Սյուզաննա Մելքոնյանը շարունակում են մնալ Սոչիում անցկացվող «Նոր ալիք» մրցույթի առաջատարները:
Երեկ տեղի է ունեցել մրցութային երկրորդ օրը, որի արդյունքներով շարունակում են առաջատար մնալ մեր մասնակիցները:
Էռնա Միրզոյանը ստացել 121 միավոր (երկու օրում 242 միավոր, ժյուրիի բոլոր անդամները՝ 11 միավոր) և Ուզբեկստանի ներկայացուցչի հետ կիսում է առաջին հորիզոնականը:
Սյուզաննա Մելքոնյանը 4-րդ տեղում է՝ հայուհին երեկվա ելույթի համար 119 միավոր է ստացել (ընդհանուր՝ 237):
