Արաբկիր վարչական շրջանի սիրիահայ և տարբեր սոցիալական խմբերի 17 երեխաների համար կազմակերպվել է ճանաչողական էքսկուրսիա Մատենադարան: Երեխաներին ներկայացվել են Մատենադարանի ստեղծման, հին ձեռագրերի և փաստաթղթերի պահպանման և ուսումնասիրման համառոտ պատմությունը, միջնադարյան խոշոր մատենագիրների մի քանի աշխատություններ: 

Հատկապես սիրիահայ աշակերտներից շատերի համար սա առաջին այցելությունն էր Մատենադարան, սակայն, ինչպես խոստովանել են նրանք էքսկուրսիայի ավարտին, դա կլինի ոչ վերջինը:

Երևանի քաղաքապետարանի տեղեկատվության 
և հասարակայնության հետ կապերի վարչություն