Պահեստազորի ավագ լեյտենանտ, ազգային զարդանախշերով հագուստների մոդելավորող-դերձակ Գոհար Ասատրյանը ֆեյսբուքյան իր էջում լուսանկարներ է վերահրապարակել «Միսս Երևան» ֆեյսբուքյան էջից ու գրել. «Զարմանահրաշ Երևանյան տարազը մեծ բեմերում։ Ապշում եմ ոճաբանի (Գևորգ Շադոյան-խմբ.) «գրագիտության» մակարդակի վրա։ Ես ո՞նց չէի ֆայմել նման տարազ ստեղծել։ Ու էստեղ բացի քրդա-գնչուական-տաջկական խառնուրդից Ձեր ուշադրությունն եմ հրավիրում ոտնամաններին։ 19-րդ դարի ու ժամանակակիցի հրաշալի միությունից ստացվել է այսպիսի գեղո հագուստ։
Ու սրանով ներկայացվում է հայոց մշակույթն ամբողջ աշխարհին։
Հարց` չէր լինի՞ այս աղջկան ուղարկեիք Հայաստանը ներկայացնելու` կոնկրետ Շատախի, Այրարատի, Վասպուրականի, Կարինի տարազներից որևէ մեկով բուն հայկական տարազով, հայկական ոտնամաններով։
Սա ի՞նչ է։ Ու մի հատ էլ բացատրություն են գրել, թե բա` 19-րդ դարի Երևանյան տարազ։
Փայլփլուն կտկտիկներն էլ մութ ու լույս տարիների Երևանյան ոտնամանների եզակի նմուշ։
Դուք ՀԱՅ չեք դառնա։ Աղավաղեք ինչ ունենք, ձուլեք մեր մշակույթը տաջկականի մեջ, պրծեք։
Ողբա՜մ մեռելոց։
Կոչե' մ ապրողաց»։
Հավելենք, որ այս հագուկապով Հայաստանը ներկայացնող Ադրինե Աճեմյանը բեմ է բարձրացել 72-րդ Miss World գեղեցկության մրցույթի բացման արարողության ժամանակ, որը կայացել է Հնդկաստանում։