Դիտեք նաև՝
Bravo.am-ը գրում է. Ամուսնությունից հետո Միացյալ Նահանգներում բնակություն հաստատած Էմմին հայրենիքում է: Զրույցում երգչուհին պատմել է, թե ինչու է տոներից հետո ամուսնու եւ որդու հետ Հայաստան եկել, ինչպես նաեւ խոսել է Դանիելի եւ տատիկի առաջին հանդիպման մասին:
«Մայրս առողջական խնդիրների պատճառով չկարողացավ Լոս Անջելես գալ բալիկիս ծննդյան շրջանում ու առաջիկայում էլ չի կարող ճամփորդության մեկնել, քանի որ նոր է վերադարձել Գերմանիայից, որտեղ հերթական բուժումն է անցել: Ամուսինս որոշեց, որ հունվարի 6-ին մենք Երեւան գանք ու հաճելի նվեր անենք մայրիկիս»,-տեղեկացրել է նա:
Խոսելով Նադեժդա Սարգսյանի եւ թոռնիկի առաջին հանդիպման մասին` երգչուհին ասել է.«Աննկարագրելի տեսարան էր եւ շատ հուզիչ. իմ կյանքի ամենակարեւոր մարդիկ առաջին անգամ հանդիպեցին: Հուսամ` փոքրիկիս ներկայությունը կօգնի մայրիկիս շուտ ապաքինվել, չէ՞ որ ասում են` հիվանդ մարդուն պետք է դրական հույզեր պարգեւել»:
Նյութը` սկզբնաղբյուր կայքում
