Blognews.am-ը գրում է.
Հիշո՞ւմ եք 1999 թվականի կուլտային «Ամերիկյան գեղեցկություն» ֆիլմի հայտնի տեսարանը, որտեղ Քեվին Սփեյսիի հերոսն իր էրոտիկ ֆանտազիաներում պատկերացնում է իր դստեր համադասարանցուն, ում մարմնավորում էր Մինա Սուվարին՝ մերկ պառկած վարդի ալ կարմիր թերթիկների մեջ։ Այս դրվագը ոգեշնչել է ամերիկացի լուսանկարչին, որպեսզի նա գաղափարական մի ֆոտոպրոյեկտ սկսի։
Ի վերջո, ի՞նչ ասել է գեղեկություն: Ինչ-որ մեկը կարո՞ղ է հստակ ու սպառիչ պատասխան տալ այս հարցին։ Սան Ֆրանցիսկոյում բնակվող ամերիկացի լուսանկարիչ Քերի Ֆրուզը փորձեց տալ գեղեցկության ձևակերպումը ֆոտոշարքի միջոցով, որը ոգեշնչված է հենց հայտնի ֆիլմի նկարագրված տեսարանով։ Այս նկարը ստիպում է վերաիմաստավորել գեղեցկության իդեալների արդիական ընկալումը, որն ընդունված է Արևմուտքում։
Այս ունիկալ պրոյեկտն կոչված է պայքարելու գոյություն չունեցող ստանդարտների դեմ։ Բանն այն է, որ ի տարբերություն ֆիլմի անթերի կերպարի, որով փորձել են մարմնավորել ամերիկյան գեղեցկությունը, այս ֆոտոշարքում ընդգրկվել են մոդելներ, որոնք, այսպես ասած, հեռու են իդեալական լինելուց։
Նույնիսկ ծաղիկների թերթիկների գույնը տարբերվում է օրիգինալից, ու դրանք այլևս ճչուն կարմիր չեն։
«Ես համարում եմ, որ ոչ ոք չպետք է իրեն նեղված չզգա այն բանի համար, որ իր մարմինն իբր գեղեցիկ կամ ճիշտ չէ և չի համապատասխանում մտացածին չափանիշներին։ Սեփական ոչ լիարժեքության այդ քայքայող ազդեցությունը ճնշում է մարդուն», – նշում է Ֆրուզը։
Լուսանկարիչն ասել է. «Մեր աշխարհում շատ մարդիկ կան, ովքեր գոհ չեն իրենց արտաքինից, ու այդ դժգոհությունն ատելություն է սերմանում այն մարդկանց նկատմամբ, ովքեր սիրում են իրենց։ Սրա դեմ ինչ-որ բան պետք է անել…»։
Իսկ սա հենց այն տեսարանն է, որը ոգեշնչել է Քերի Ֆրուզին՝ ստեղծելու իր օրիգինալ ֆոտոշարքը։
Մի թողեք, որ ԶԼՄ-ները մանիպուլացնեն ձեր մտածողությունն ու կաղապարների մեջ դնեն դրանք։ Սովորեք ավելի լայն մտածել, որովհետև իրականում իդեալներ գոյություն չունեն։ Գեղեցկությունն այնքան բազմապլանային է, որ մարդու աչքերը շաղվում են։
