Արդեն տեղեկացրել ենք, որ ամերիկացի հայտնի հաղորդավար Քոնան Օ’Բրայենը Հայաստան էր այցելել: Վերջինս այստեղ իր շոուի համար նկարահանումներ է իրակացրել, որոնք նոյեմբեր ամսին ցուցադրվելու են TBS ալիքով հեռարձակվող «Conan» հեռուստաշոուի ժամանակ: Մինչ այդ եթերում Քոնանը պատմել է իր հայաստանյան այցից ստացած տպավորությունների մասին:
«Տասնվեց ժամ թռիչք ՝ մինչև Հյուսիսային բևեռ, այնտեղից Դուբայ, իսկ այնտեղից էլ Իրանով դեպի Հայաստանի մայրաքաղաք ՝ Երևան: Ես Հայաստան էի տարել իմ օգնականին ՝ Սոնային, նա հայուհի է, ու ես պետք է «վերբեռնեի» նրա կյանքի սկզբունքներն ու արժեքները»,- նշել է Քոնանը` հավելով, որ իսկապես տպավորված է հետ եկել.
«Ամեն դեպքում հրաշալի ճամփորդություն էր. մենք մի քանի օր նկարահանել ենք, իսկապես շատ ծիծաղելի պահեր կային, շոուն եթերում կցուցադրվի մոտավորապես նոյեմբերի կեսերին: Հրաշալի շոու է լինելու, հայերը հրաշալի ժողովուրդ են: Ինձ համար շատ տպավորիչ ուղեւորություն էր»:
