Life.panorama.am-ը գրում է. Նորաձեւության կանոններին ենթարկվում է նաեւ դիմահարդարումը: Ամեն տարի յուրաքանչյուր եղանակի համար մասնագետներն առաջարկում են տարբերակներ, որոնց հետեւելու դեպքում կարող եք ինքներդ Ձեզ տպավորիչ տեսք հաղորդել:
Կայքի հետ զրույցում «Aga Kankanyan» իմիջ կենտրոնի ոճաբան-դիմահարդար Մերի Համբարձումյանը խոսել է այս ամռանն առավել ակտուալ թրենդների մասին:
Մեզ հետ զրույցում Մերի Համբարձումյանը նախ անդրադարձավ ամռանը մաշկի ճիշտ խնամքին.
«Ամռանը դեմքին թարմ տեսք հաղորդելու համար անհրաժեշտ է դիմահարդարումից առաջ դեմքը խնամել հատուկ դիմակներով եւ յուղազրկել այն: Օրինակ՝ կարելի է թարմ մրգերով տարատեսակ դիմակներ պատրաստել, որոնք ոչ միայն թարմություն կպարգեւեն դեմքին, այլեւ կօգնեն ազատվել մաշկի ճարպոտ շերտից»:
Դիմահարդարի խոսքով՝ ամռանը անհրաժեշտ է հրաժարվել կամ գոնե պակասեցնել տոնային քսուքի օգտագործումը.
«Ամռանը խորհուրդ չեմ տա տոնային քսուքներ օգտագործել, դրանք կարելի է փոխարինել դիմափոշիով, որը նույն տոնային քսուքի տպավորություն կարող է հաղորդել: Իսկ եթե, այնուամենայնիվ, օգտագործում եք տոնային քսուքներ, ապա լավ կլինի, որ այս եղանակի համար ընտրեք ավելի թեթեւ տարբերակները»,- ընդգծեց նա:
Առավել մանրամասն` սկզբնաղբյուր կայքում
