Կյանքով լի քաղաք. սա Թբիլիսիի քաղաքապետի թեկնածու Կախա Կալաձեի նախընտրական կարգախոսն էր: Իսկ այժմ այն զարդարել է մայրաքաղաքի գլխավոր տոնածառը
Թբիլիսիի Ազատության հրապարակում արդեն սկսել են հավաքել մայրաքաղաքի գլխավոր տոնածառը:
Տոնածառը նոր չէ, ինչպես և նախորդ տարիներին, մայրաքաղաքի գլխավոր ամանորյա խորհրդանիշը հավաքել են Սուրբ Գիորգիի կոթողի սյան շուրջը: Սակայն, թբիլիսցիների համար նոր էր դեկորացիան. տոնածառի շուրջ Թբիլիսիի նորընտիր քաղաքապետ Կախա Կալաձեն որոշել է տեղադրել իր նախընտրական կարգախոսը վրացերենով և անգլերենով՝ «Կյանքով լի քաղաք»:
Կուսակցական կարգախոսով տոնածառի լուսանկարը հիթ է դարձել վրացական ֆեյսբուքում:
«Մեր տոնածառն աշխարհում թերևս միակ տոնածառն է՝ կուսակցական կարգախոսով: Եվ այն ոչ թե որևէ քաղաքական կուսակցության գրասենյակի մուտքի մոտ է տեղադրված, այլ երկրի գլխավոր հրապարակում» — գրում է Ֆեյսբուքի օգտատերերից մեկը:
